點解突然間提到夕陽？當然唔係因為陳奕迅啦。其實係因為今日七點幾放工開車返屋企，一路就睇住個太陽落山。本來都冇乜咁特別，日日放工都可以見到架啦。而且，我平日一d 都唔鍾意呢個時間返屋企，因為對住個太陽開車好辛苦，有時我會令願喺公司留多陣都唔要呢個時間走。不過今日望住個太陽，真係有一種 relief 既感覺，即時令我諗起San Diego 既十字架山。記得我喺SD 讀書既時候，一唔開心就會上去嗰度，一上到去又係會有種 relief 既感覺．．．我記得我以前曾經咁樣分享過：我希望無論將來人生係順境定逆境，我都一樣可以好好享受人生。不過今日既我，真係覺得人生係好難享受。當人既生命被太多既野佔據左既時候，人就會迷失；迷失既人又點能夠享受生命呢？有人同我講過，我需要organize D。我當然認同，不過我真係覺得，我需要為自己既生命"減磅"。就好似要執好一間堆滿雜物既房咁，其實應該先將一部份既雜物拎出房外面，騰出一d 空間黎整理房入面既野，然後先將搬左出房既野搬番入黎。好多時我地成日覺得間房冇可能放得哂所有既野，但其實只要好好咁整理一下，所有野都可以放得好。

Well，講講下好似離左題，冇計啦，太耐冇寫過野，d 思路混亂左d 。Anyway，我真係好享受今日個夕陽，亦都希望以後每一日都可以好好享受人生。